我唸喱頁已
經真正成為關於我既一頁，其實基本上喱個網站既所有東西都係關於我同我身邊既一切。可能好多人入都喱到會感到好失望，因為喱都唔係有Ｄ乜野俾佢地下載，因為我鍾意放乜就放乜，唔會因為想多Ｄ人來而去決定。以前都會咁唸過，亦試過唸好多野去吸引多Ｄ人，可能係因為始終係徒勞無功掛，點都好，Ｎｏｗ我只係想係喱到放我自己既野，因為ｈｅｒｅ ｉｓ ｍｙ ｈｏｍｅｐａｇｅ。
１２－１０－２００２
Name : Tin Age : 20 Sex : Male Date of Birth : 29-6-1982 Address : Yau Oi ,Tuen Mun School : LCK F.1-F.5 CSBS F.5-F.7
CityU Associate Degree ABAECWTConstellation : Cancer ( 巨蟹座 ) My favorite : Computer, Electronics, Swimming, Table Tennis, Basketball, ...... and Toys My wish : Promote to Degree Course and ........... 話咁快就已經過左大半個ｓｅｍ啦，但係Ａｃｃｏｕｎｔ同Ｅｃｏｎ仲係好唔得，Ｄ同學仔都幾勤力，真係死得！唯有繼續溫書啦！！
２００２年１０月１９日
見到自己Ｄ ｉｎｆｏ好舊，所以改一改，順便係到講返幾句。今日上堂好開心呀，
因為個阿ｓｉｒ講野好攪笑，堂ｔｕｔｏｒｉａｌ學ＵＮＩＸ，好鬼好玩，同以前
ＤＯＳ差唔多。不過堂ＢＩＳ就好悶啦，成堂係到學ＷＩＮＺＩＰ。２００２年９月１０日
又過左個幾月啦！開檔都有成個月，真係幾辛苦架！開頭都幾得意，可以嘗試一下自
己做老闆既滋味，但係真係有好多野都係要自己做。雖然同埋兩個ｆｒｉｅｎｄ一齊
做，但係都好似好辛苦咁，不過，開心既係我地真係可以賺到錢，証明我地係掂呀！
但係做到依家，真係有ｄ累，我唸我依家亦到感受到初初兩個ｆｒｉｅｎｄ都幾辛苦
一至六都要返工，六、日仲要開檔添！２００２年９月９日
我唸喱頁暫時係我一個發表下自己偉論既地方。我唸我暫時都會係到講下我自己遇到既野，雖然我知喱個唔係乜野大網站，又唔係又咩特別既野睇，好可能係唔會有幾多人睇我喱個網頁，自己打咁多野係到都好似有Ｄ無聊，可能只係我依家得閒重整個網頁先係到打翻Ｄ野，等個網頁多Ｄ野ｓｅｅ ｓｅｅ。不過，其實依家覺得係到打下野都幾好，希望你都可以係到分享到我既快樂。
首先緊係要係到讚下自己將個網頁又整靚左，真係好鬼好心，睇住自己個網頁唔同曬，比起以前靚左好多，自己既設計真係又得左Ｄ，好似買左間新屋既感覺。我有Ｄ擔心我只會依家先會成日ｕｐｄａｔｅ，因為ｊｕｓｔ整靚左佢，好可能我又會有排都唔係幾理佢，希望我唔會啦！睇翻自己第一個設計既網頁，覺得真係好鬼唔得，但係個陣時覺得好靚架啦，仲好滿足，仲周圍叫Ｄ人去睇添，真係唔知點解會做埋Ｄ咁既野，不過我依家又咪係叫Ｄ人去睇我個網頁！好似覺得自己大個左，其實又可能唔係！可能我仲係幾年前既我！講講下又講左去第二到添，記得個陣識整自己既網頁已經好威，但係今時今日已經唔係ｌｕ！求其搵十個細路問下，起碼都有７、８個人識整，仲已經整得好靚添。唉！ＩＴ都係無得做，咁鬼多人識，唔學多Ｄ野都真係唔得。所以，依家得閒我都樣樣學下，最近就學緊ＪＡＶＡ。
最近最多野攪既，都係同Ｄ ｆｒｉｅｎｄ攪既生意仔，我地係黃金海岸到租左個位，做熨畫Ｔ－ｓｈｉｒｔ，好得意架，不過就唔著得，皆因我地Ｄ衫係好似ＣＤ咁大件，有埋衣架仔架！我地會幫你即刻影翻將相，再俾你選擇一個背景圖案，然後經我地加工再印落件Ｔ－Ｓｈｉｒｔ到，真係好得意架！係到賣下廣告先，有興趣記得逢星期六、日或公眾假期黎黃金海岸幫襯下我地啦！唔好去錯呀，有間係賣可以俾人著得既衫，仲賣成１００蚊一件，我地個Ｄ係好得意既衫仔，自己人手做架，雖然唔係我做，不過好靚架，係到都要同佢講聲唔該曬，幫我地做咁多件咁得意既衫仔！希望可以賺到少少錢啦！我地８月就開始啦，記得要黎買呀！
２００２年７月２５日
